MAMAY

Yaw Yaw Puka Polleracha

CHUCHIKUKUNA MINMI

Deysi del Peru

R U M I S O N Q O

RAKI — RAKI

iAy waytachay wayta! ñuchku tika wayta, 

ñuqa ripuptiyqa pillas tikakusunki 

pillas waytakusunki

Qasapi raki-raki kusiñachus kanki, 

warma yanaytawan rakiykuwaspayki 

taqaykuwaspayki.

Hanay qucha patocha ama waqamuychu, 

qaparqachaskaykim sunquyta

kirinchawan yanayta yuyachiwan

AQUTA PALLASPA

Sachallachuch kayman, rumillanchuch kayman,
paraptin rupaptin, yanallayta llantuyman. 
Alton puriq waman qamqa rikurqankim
kuyasqay yanallay makipiraq kaqta. 
Wayqun wayqun puriq apu Warpa mayu
wiqiywan yapaspa yanayta harkaykuy 
Mayu patan urpi imatam ruranki. 
Aquta pallaspam yanayta suyani. 
Manaña manaña rikurimuptinmi
aqu pallasqayta hukmanña rini. 

MANA PIYNILLAYUQ

Sapay rikukuni mana piynillayuq 

puna wayta hina llaki llantullayuq. 

Tiqu pinkulluypas chakañas rikukun 

nunaypa kirinta qaparkachasqampi. 

Imataq kawsayniy maytataq ripusaq 

maytaq tayta mamay ¡lliwsi tukukapun!. 

IMA QINTIRAQ TIPYAYKURQA

Qantu qantuchay sumaq waytachay, 

ima qintiraq tipyaykurqa 

Haykay qintiraq tipyaykurqa. 

Tipyaykusqan horachamantas 

manaña qantunta llanllanñachu, 

manaña waytanta waytanñachu. 

Qantu qantuchay sumaq waytachay, 

ima qintiraq tipyaykurqa, 

Haykay qintiraq tipyaykurqa. 

PUYUNTA PAWALLASPAY

Llaqtaytas para chayachkan
yanaysi waqapuwachkan,
kayllay urqpa qipallampi. 
Llaqtaytas lasta chayachkan,
llaqtaytas para chayachkan
kayllay urqupa qipallampi. 

Killinchus ñuqa kayman
altonta pawallaspa 
ama waqaychu nillayman.
Wamanchus ñuqa kallayman
puyunta pawallaspa 
ama waqaychu qapariyman. 

PARIS-PARIS PALOMITA

Llaqtaymanta lluqsirqani
paris-paris palomita.
Imanisparaq kutiykusaq
iskaymanta chullallaña
iskaymanta sapachallay. 

Wasiymantam hamurqani
paris-paris palomita. 
iAy, imanisparaq kutiykusaq!
iskaymanta sapachallay
parismanta chullallaña. 

URQUN QASAN PURINAYPAQ

Wikuñachus mamay karqa
tarukachus taytay karqa,
urqun qasan purinaypaq
chiri wayrapa pintuykusqan. 

Puku-puku qisanpichus
mamallayqa wachawarqa
puku-pukupa uñan hina 
tuta punchaw waqanaypaq.

KAY TUTAYAYPI

Intillay, killallay,
maychallantam lluqsimunki,
chaychallantam ripukusaq
maychallantam kutipusaq. 
Intillay, killallay,
maypi kanaykikamataq
kay tutapi waqachkani,
kay tutayaypi suyachkayki. 
Intillay killallay,
maychallantam lluqsimunki,
chaychallantam ripukusaq
maychallantam chinkaykusaq. 


chayta chikchischay paraschay.

CHIKCHISCHAY PARASCHAY

Hakuraqchu manaraqcha
chikchischay paraschay
maymi hamusqanchis chayta
chikchischay paraschay. 

Misitu piña torocha
chikchischay paraschay
caballoytas waqrarqunki
chikchischay paraschay. 

Ñuqallataq taqwamurqayki
chikchischay paraschay
qamllataq waqraykuwanki
chikchischay paraschay. 

Pitaq wak jineteri
chikchischay paraschay
qari qari pasarquwan
chikchischay paraschay. 

Misitu toro dueñonsi
chikchischay paraschay
enjalmetas mañakunqa
chikchischay paraschay. 

Aysariway chutariway
chikchischay paraschay
maymi hamusqanchik

MORADO SISASCHALLAY

Yanqachu kuyallarqani
Yanqachu wayllullarqani
¡tantar kichkachallay!
kay runapa churichallanta
kay runapa wawachallanta 
¡Tantar kichkachallay!
¡morado sisaschallay!

Haykaqcha chayamurqapas
haykaqcha hamullarqapas
¡tantar kichkachallay!
Yanqachu kuyaykurqani
yanqachu waylluykurqani. 
¡Tantar kichkachallay!
¡morado sisaschallay! 

Mas biencha kuyayman karqa,
mas biencha waylluyman karqa
¡tantar kichkachallay!
urqupi wikuñitascha
qasapi tarukitascha,
¡Tantar kichkachallay!
urqupi wikuñitascha
qasapi tarukitascha,
¡Tantar kichkachallay!

icharaq waqaysiwanman
icharaq llakiysiwanman
¡Tantar kichkachallay!
¡morado sisaschallay

CARNAVAL TAKI

Chayraqmi chayraqmi 
chayaykamuchkani
parachawanpas wayrachawanpas
contrastaykukuspay. 

Akakllituy akakllituy 
imam qampa ruranayki. 
rumi pataman wicharquspa
iiqiw! iaqaw! ninallayki. 
Qasa pataman wicharquspa
iiqiw! iaqaw! ninallayki 

Munankichu yachaykuyta
maymantachus kani chayta,
Wak chimpa huertamantam
rosas waytapa chawpinmantam
clavelinaspa chawpinmantam. 

Imatataq qawawanki 
chakiymanta umaykama,
manañachus riksiwanki
watan watan purisqanchikta
vida pasaq masiykita 
curpiñuchayki botonaqta.

Martes carnavales tapurikusqayki 
martes carnavales tapurikusqayki, 
Taytacha Cuaresmero
maytañataq hamuchkan,
Taytacha Cuaresmero
maytañataq hamuchkan, 

Chayraqmi chayraqmi 
chayaykamuchkani, 
parachawanpas wayrachawanpas
contrastaykukuspay

URQUKUNAPI WAYLLAR ISCHUPAS

Urqukunapi wayllar ischupas
para chayaptin sullaykachansi,
chaynam ñuqapas waqallachkani
runapa wasimpi rikuykukuspay
runapa llaqtampi qawaykukuspay.

Urqukunapi wayllar ischupas
wayra muyuptin kumuykachansi, 
chaynam ñuqapas kumuykachani
runapa wasimpi rikuykukuspay
runapa llaqtampi qawaykukuspay. 

AMAYA TARILLACHUNCHU

Urqupi wikuña, qasapi taruka 

tapurikullasqayki; 

kaynintachus pasallarqa 

yanallan saqiriq urpi. 

Kayqaya saqirqullawan, 

kayqaya dejarqullawan 

ñawillay hunta wiqintinta 

sunqullay hunta llakintinta. 

Yanan saqiriq urpi 

¡amayá tarillachunchu! 

wayllay ischupa sullantapas 

yakunayaptin suquykunampaq.

SILILI WAYTA

Intillay, killallay ama saqiwaychu, 
karuraqmi rinay tutayallaymanmi.
Sumaq siwar qinti, ama harkawaychu, 
mamallaysi maskawan uñan chinkachiq urpi hina.
Silili, silili wayta, qawachkankim kay vidayta 
mayu hina waqasqayta wayra hina qaparispa.

CHAYNALLATAQMI WAQAN NINKI

Althun phawaq siwar qinti
alton pawaq quri qinti,
cartachayta apapuway
yanachallayman entregaykuy.

Waqanqachus manañachus,
Illakinqachus manañachus.
Waqaykunqa chaypachaqa,
chaynallataqmi waqan ninki,
chaynallataqmi llakin ninki.

Althun phawaq siwar qinti
althon pawaq quri qinti
cartachayta apapuway
yanachallayman entregaykuy.